2021年我的其中一個突破

Click入圖片即可傳送到新聞連結

5年間斷斷續續有不同媒體嘗試接觸進行有關瑞士的訪問,我都一推再推。你話我好多人識咩?唔係。喺瑞士年資好多咩?唔係。認識瑞士好深咩?唔係。咁點解會訪問你?大概係因為瑞士嘅香港人都十分低調,好少會有人好似我咁日日走出黎閒談瑞士文化同瑞士生活。老實講,對於瑞士文化日常呢一個話題我毫無信心,因為文筆比我好,認識比我深嘅在瑞作者大有人在,我實在諗唔到自己有咩可以拋書包。

咁點解今次決定走出黎接受訪問?

2020年我喺瑞士經歷左一個大心理關口,我發現自己將別人對自己嘅睇法睇得太重。我怕人地話我港女食洋腸,港女呢樣港女嗰樣。所以我所有野都做一半低低調調,來一個歲月靜好。後來有朋友嘅一句「你做得社交平台就係想人知道你嘅存在,點解要做到咁閃縮?有少少矛盾噃!」呢一句說話點醒左我,所以我決定行出黎,分享多啲唔同嘅嘢俾人。或許有那麼一個同樣身在異鄉,感同身受嘅人睇到,得到一絲安慰,知道自己係可以嘅,咁就夠啦。

真係非常感謝Yahoo 新聞編輯嘅邀請,係一次非常愉快嘅合作!

現在雲妮莎正同神秘人溝通中,黎緊會做關於心理學嘅Live。請留意往後嘅公佈!

記住路係自己揀架,就算仆街都記得你有華麗轉身嘅權利

由於全球化的關係,近年基於異國婚姻而往外地居住的香港人愈來愈多。少數幸運的能在當地繼續做自己在香港辛苦打拼多年的事業,但大多數都無奈轉行轉型。縱使轉型成功,工作又沒有必然保証前景順利。畢竟人在異鄉,頭十年遇到的事情大概也只能見步行步。

叫得上見步行步,自然沒有太多空間選擇,慢慢地,便會變成遷就,再而變為屈就。屈就久了,便會怨。怨另一半不夠自己勇敢,走出舒適圈。「導致」你今時今日人在異地無人無物,淒涼都不敢打電話回娘家訴苦水。Blah blah blah就到這裡,相信同路人在異地住得三五年唔多唔少都會有感。

但是,這篇文章絕對不是要數嫁到這世界邊端的港女慘事。

適應異國生活並不是想像中簡單,三五七年少不免。在香港找工作都已經要過五關斬六將,更何況人在異鄉?無工作的期間一定要花時間增值自己,學一些自己喜歡的事情。情況許可的話,請不要屈就自己而做一些自己不喜歡的工作。把這一次的移民看待為你的第二人生,若要從頭再選一次職業,你想你的下半生做什麼?你想自己的人生有著什麼的意義?當然有些人對工作無感,只要有份朝九晚五準時收工便可以。那非常好,我也非常羨慕。我說這些並不是要所有人都行夢想主義,但若然你是一個完美主義者,我會請你用盡一切方法守住自己的界線。

在瑞士生活的五年間,我不斷在滿足別人的期望,可是到頭來我忽略了自己。我開始埋怨身邊的人。我把放棄夢想的責任全都推給射巴,實行來一個我過得不好你也別想好過。最後一個做了怨婦,另一個做了內疚男。後來一位朋友告訴我,「怨什麼呢?不都是你自己的選擇?怎麼把自己弄得像個受害者?」頓時茅塞頓開。

做任何事,你都有選擇,你都有能力去改變。問題在於你有無勇氣去面對。先找回自己的意義,自然可以擺脫受害者的角色。

#瑞士 #瑞士生活 #雲妮莎瑞士日常 #hkblogger #hkyoutuber

噢聖誕節托它歸家

聖誕樹Norman

2020年點衰都好,生活中總會有可以值得感恩嘅小確幸。瑞士雖然稅率高,生活費高,冬天仲會有季節性抑鬱,又悶。。。但係!!!能夠生活喺一個自由國家,出去求其影張相都係靚景,唔洗日日survival mode,真係要感恩再感恩!過去一年因為屋企無書房,而疫情關係我同射巴都WFH,於是屋企個廳就變左用黎辦工睇電視打機食飯。然後好慶幸喺今年咁多嘅不穩定情況下仍得到業主嘅offer(同舊屋同一個業主)可以搬到大啲嘅屋(隔離屋😆),租金仲比出面平好多好多。😭 對另一邊路仲清靜好多好多,搬左過黎後睡眠質素仲提升左。

於是乎今年聖誕雖然無乜氣氛,但我地仍決定要迎接歴年最大棵嘅聖誕樹Norman(對,我地屋企幾乎所有有生命嘅野都有名🤭)!真聖誕樹喺歐洲其實唔算十分貴。Norman大概2米高,價值60瑞郎(HKD520)左右,我覺得好合理。之不過佢個底座就要50瑞郎(HKD430),有少少妹仔大過主人婆嘅感覺。😂

今日瑞士聯邦政府又話建議星期六開始所有餐廳需於七點關門,限聚令收緊至5人。但最終仍要等待星期五同省政府商討後才可以確定詳情。政府想保住經濟,於過去一年面對疫情一直任由省政府各自為政,就有如火頭不停”辣”,呢頭淋熄嗰頭又著。。。🤦🏻‍♀️再咁落去小商户真係會頂唔順。最近又話有疫苗,但大部分瑞士人都唔願意接種。縱觀社交媒體上瑞士人認為疫苗安全性及有效性一般需要約十年觀察期。目前要求大眾接種新研發疫苗為太過倉卒。再者,病毒一直變種,有人擔心接種疫苗後,倘若身體產生抗藥性,後果得不償失。唔知大家今年聖誕如何苦中作樂?對疫情,疫苗又有咩睇法呢?

#雲妮莎瑞士日常#瑞士生活#瑞士

放手不等於放棄

在瑞士居住五年半,我花了大部份時間適應生活並考取執業資格。一直以來我都根本沒有想過,亦不敢想人在異鄉可以有選擇。生活丟甚麼課題給我,我便乖乖接招。當初之所以選擇研究路,其實是因為教授們一直向我招手。缺乏自信如我心想,有人要當然就要把握機會。於是一而再再而三地將自己推入一個惡性循環。又剛好今年瑞士疫情嚴重,有九成時間我都在家工作。慢慢地,我發現自己情緒出現問題。

我想,若然研究工作並不是我的興趣,那苦讀四年只為名字後面多加PhD這幾個字母,值得嗎?四年青春,人都快四十,怎麼辦?難道黃金三十真的要這樣白白浪費嗎?在香港,我曾經每天都期待著上班,做著自己熱愛的事情,為甚麼來到瑞士以後便再也找不到這種感覺呢?人生苦短,做自己不喜歡的事情一秒都嫌多。於是,我作了一個一點也不艱難的決定,那就是辭職加退修。我跟指導教授請辭的時候,我說It’s now or never,這一份約續下去,便要撐完四年,所以我一定要做決定。教授對此非常自責,她認為自己沒有給予足夠的支授,所以我才會burn-out。其實是瑞士把我burn-out了吧。詳細也不便多作解釋,免得無病呻吟。

有朋友知悉後說我就這樣放棄很可惜。如果因為可惜這兩個字而持續做一樣自己不喜歡的事,那不叫堅持,那叫執著。懂得放開不適合自己的事情,大概是身為中女最應該學懂的生存技能。

接下來,慢慢計劃,多作點不一樣的嘗試。當然心理學家的專業亦會繼續於不同的領域實踐,跳出舒適圈,不為任何人屈就自己想要過的人生。

露營車初體驗

過去一個月經歷完死線衝刺式論文企劃案寫到天昏地暗六親不認之後,終於!我們可以放大假出遊了!由於疫情關係,原訂回港計劃一次又一次被改期,報了深山冥想營又被取消。於是我們便自己租了一台露營車,實行一星期露營初體驗!瑞士的風景美不勝收,當然是露營愛好者的首選國度,但有一點要留意,在瑞士郊外築營必需要在官方指定營區,但據瑞士朋友所說,帳幕只需要離開地面便可。另外亦要留意天氣狀況,當遇上乾燥警告的時候,野外生火是不允許的。

這一次我們停泊的營區在Brienz,停泊營車及入場人數以日數收費。費用程度視乎停泊位置,像我們這一次的湖邊位置則是最貴的地段。一星期七晚總共四百多瑞郎。沒有營車亦可以租住營地小屋,豐儉由人。營地的洗漱設備比我家還要漂亮乾淨,從來沒有要排隊上廁所或是髒髒的情況。只要圍著營地走一圈,觀察一下大家的營地裝飾,你大概可以完全體會到瑞士人的潔癖。小蠟燭,吊燈,地毯等等,全都擺放得井井有條,時不時還會看到他們在打掃門前的樹葉。我跟射巴簡直是無地自容。。。

營地步行往市中心只需要15分鐘路程,非常方便。往其他景點譬如Rothorn,Ballenberg,Interlaken等都非常方便。

Ballenberg 巴倫貝格生態博物館

於1978年開放的Ballenberg巴倫貝格生態博物館以開放步行形式,以過百間不同風格的農村房屋展示瑞士不同省份的傳統農村工藝。這裡目前為瑞士的重要的生態及文化研究基地。博物館佔地廣闊,快速走完全程都需要用上一整天時間,有小朋友同行的話便需要多預計時間。成人入場費為28瑞郎,6-16歲小童半價。園入售賣食物及飲品的地方不多,建議先自行帶備適量食物及水。

Rothorn Bahn 洛特峰鐵道

擁有接近130年歷史的Rothorn Bahn洛特峰鐵道,以蒸氣火車帶大家轟隆轟隆慢慢登上山頂。火車全程一小時,沿途景色絕美,登上2350海拔的山頂後更能遠眺少女峰,艾格峰,鐵力士峰等著名山峰。2020年火車於11/6-25/10期間開放,逢星期三10:00有香腸火車,愛吃的你不容錯過!建議先於網上購票並於半小時前到達,坐位選擇方面建議靠近上車的那一邊,會欣賞到最多的風景。票價方面,頭班車8:36分開出,價錢比其他班次便宜20瑞郎,而且早一點上到山頂,欣賞到萬里無雲的景色的機會愈高。如圖所見,10:00過後山上開始有雲霧,此乃基於一個星期於山下露營觀察得來的結論。正價成人來回92瑞郎,Swiss pass持有者半價,生日免費!如閣下喜歡行山,亦可以約5小時左右步行至山頂。

移民心得for dummies

近年愈來愈多香港人談及移民。近至台灣,遠至英美加,甚至歐洲非英語系國家都是港人的心水國度。最近身邊總有些朋友問及移民心得,於是決定分享一下個人經驗。不過由於我是婚姻移民,行政手續上一定比真移民人士簡單得多,所以我便不在此談及行政手續。(畢竟比我專業的blogger大有人在😜)

語言障礙

人在外地人生路不熟,到達後除了新家安置這些實際操作,其實還有一大堆行政安頓手續。除非閣下資金許可聘用移民公司一條龍服務,否則必須要有心理準備跟當地行政機關緊密溝通大半年才能夠真正安頓好基本生活需要。因此,先在香港打好當地語言基礎乃非常重要。移民將會改變你整個個人生活習慣及週遭環境文化,我建議大家可以的話便做足準備,避免日後非必要的心理壓力。至於找工作嘛,能夠與當地人溝通乃基本吧。我建議移民歐洲人士離港前先有A2-B1 程度。歐洲共同語言參考標準

人脈的重要性

2015年來到瑞士的時候,我身邊一丁點人脈也沒有。原本想隨便找一家亞洲公司當打雜就好,誰知道這一類中文工作都是靠人脈介紹。我亦曾經想過去賣錶做遊客生意,但射巴生於小鎮,哪來的遊客生意?再想一想自己的履歷,零售經驗為零,文書經驗也是零。若不是靠人脈,何來會有人請?所以移民前請你擴展你的人脈,先加入臉書上不同的群組,認識一下當地的港人好有個照應。

個人心態

由決定要走的一刻,就要做足心理準備,生活不一定如想像中的好山好水好生活。外國生活雖然恬靜,但對於習慣香港花花世界的香港人來說,長期生活於這個模式或許會感到苦悶。因此,個人心態一定要保持開放,嘗試接觸不同的新事物。你會發現這麼一種慢活模式正正讓你把注意力放回自己身上。想一下有甚麼新嘗試,放膽去做,或許你會發掘到自己的另一面。

建立自己的網上品牌

就如以上所說,作為外地人在當地找工作並不是一件容易的事。既然全球大趨勢都往網上發展,想要移民的你亦大可建立自己的網上品牌。好好運用免費的網上平台如YouTube,IG,FB,LinkedIn等。。。孤勿論你要做KOL,YouTuber 還是近年新興的 KOC,任何人都是自己的品牌代言。有人喜歡自家制家鄉美食,有人喜歡代理品牌,有人喜歡代購,有人喜歡賣手作,有人喜歡上網教中文。。。發揮你的創意,好好運用社交平台為自己殺出一片天吧!

想移民的你,又或者已移民的你,不如又分享一下你的苦惱/心得啦!

瑞士大學生的二三事

📌分組功課類

你以為讀Master就無free rider?錯哂!瑞士嘅公立大學讀Master學費平(580瑞郎/sem)又無特別收生要求(某些特定學科除外),有Bachelor學位就可以讀上去。由於得來太易,free rider特別多。有一次我地三人一組寫一份約二十頁報告。其中一位小姐以自己寫法文唔叻為由,失蹤左成個sem,到要交報告嗰日我whatsapp爆佢,問佢打算點。當時我講左一句you don’t give a shit,呢位小姐竟然可以惡人先告狀寫email同教授投訴,話我出言恐嚇。最後教授當然係怕怕扮無收到任何人嘅email,而嗰份功課拎A。🙄

📌畢業論文類

曾經有兩位學生分別前後腳畢業,早一個sem嗰位係高材生,論文滿分,仲被上載至大學網站供人查閱。誰知道下一個sem畢業嗰位學生抄襲左呢位師姐嘅論文又無被發現。最好笑係佢地兩個嘅supervisors係一樣。同埋大學最忌抄襲,有專門嘅防抄襲軟件,一scan就無所盾形。呢位師姐心有不甘向反抄襲部門投訴,結果一樣,無回覆。🤡

📌筆試類

有一次考統計學,由於需要用到統計學軟件,所以答題會用自己電腦。於是有一班同學自製whatsapp group喺電腦分享成段電腦指令,抄答案,容易啦!不過當時我心諗,遇著堆syntax係錯嘅咁咪攬炒?我都係信自己多啲。。。

瑞士考試係可以自攜飲品同食物,只要你唔係帶成個煲仔飯入去,普通小食如朱古力,餅乾,水果都可以。一般黎講,考生一進場需要立即將所有電子儀器收好並將袋放喺主考席,考生唔可以帶筆袋,但可以帶帽。🤡派卷期間,考生不得翻閱試卷是常識吧?講就咁講,但佢地會一收到就開卷自己喺度做然後無人出聲制止。成個場四百幾人,唔知最尾收到卷嗰條友作答時間蝕幾多呢。。。

最嚴重嘅問題在於廁所位。。。如果考試歷時四小時,除頭一小時同最尾10分鐘唔可以去廁所外,中間嘅時間都係無限任去。寫就話每次限一人,但監考嘅都係打份工嘅博士生,為左唔洗行好多轉,佢地會儲埋兩三個學生一齊帶。監考員理論上應該喺廁格外等候,但都係嗰句,打份工, who cares? 再者考生有無收埋紙,手機等等物品真係無得查。考生去廁所嗰條隊喺整整三個小時嘅考試入面無斷過。呢個情景媲美去clubbing排隊入場條隊。

有啲人早做完卷會早走,佢地唔知點解硬係要同佢地啲好朋友打眼色送飛吻先肯走,好想一巴星埋去,再一野車佢個袋埋去叫佢滾出去。

收卷嘅時候時常會發生一個情況,就係總有人死都唔肯停筆。你埋去收卷,佢死都要寫,你仁慈俾多5秒佢,佢仲寫緊。佢同我講,你俾我寫埋佢啦,我最尾嗰段總結寫左喺草稿紙,未抄番落卷啊!!!我話,not my problem,然後一手搶走佢份卷。佢後面位朋友更好笑,佢話,我未寫名啊!我又話,not my problem either。收完卷,呢兩個人走去我旁邊另一位整理緊試卷嘅同事度,苦苦哀求要寫番指示話答案喺草稿紙。呢位同事咁啱就係改佢卷嗰位助教,佢怕佢煩,又可憐佢壓力大,所以搵番佢份卷出黎俾佢改。OK,我做左天底下最PK嘅監考員。

呢堆行為喺香港嘅大學應該早就俾人零分重作。廿幾歲人考試連時間管理都唔識,憑咩要特權?我真係唔明。Anyways,到最後我調整自己心態,打份工,who cares?

有人留言估性感衣著,我可以話你知,好多野睇。😏

又不過!!!我都有認識好多讀書好認真嘅學霸!只係有一堆唔認真對待考試嘅人恃住無王管而肆無忌憚。

#雲妮莎瑞士日常#瑞士

硬淨港女

最近跟朋友們聊天,聊到作為一位外地人,要融入當地生活並不容易。我笑稱:「移民得去外國嘅港女都有番咁上下硬淨。」

雲妮莎去左瑞士就快5年,今年先真正結識到同住瑞士嘅香港朋友。我地都發現,瑞士人嘅抗逆能力比香港人低好多。好多生活上嘅小事都足以令佢地感到猶如世界沒日。譬如換左新嘅洗衣機;街口郵局轉左自助投寄系統;日程中有突發事件而要臨時作出調動等。。。呢一啲對香港人黎講雞毛蒜皮嘅事都足以令佢地一整日囉囉攣。

射巴話,佢地由細到大都係喺有選擇嘅安全區下長大,從來都無物競天擇,適者生存呢件事。社區入面嘅人事物幾十年不變。佢地可以一世人只打一份工作,日出而作,日入而息。自自然然,要佢地走出comfort zone係非常困難。相反香港嘅教育制度由喺阿媽個肚入面開始已經要同人爭,爭學位,爭第一,爭取錄,爭升職,爭口罩,爭廁紙。。。咩都要爭番黎。生活節奏快,每年番香港,街上嘅舖頭都面目全非。其實做香港人真係好攰,一身銅皮鐵骨快狠準係生活逼番黎。

佢成一都同我講,好彩娶左個硬淨港女,咩都自己搞掂唔洗湊唔洗氹唔記得紀念日唔好名牌(就算好都要自己買)。其實我咁鬼無情趣到底係好定唔好?😂

嗱,講到尾港女好港男好,瑞士女好瑞士男又好,各有各特色,各有各好,正所謂冤豬頭都有盟鼻菩薩吖嘛!

Photo credit: Ling Lai

#雲妮莎瑞士日常 #瑞士 #瑞士生活

與射巴的相識解說篇

很多人都很好奇我們是怎樣認識的,其實真的是巧合。。

2013年的情人節晚上,我與幾位單身狗一起在老蘭把酒談天說地。席間與一位好姊妹談到想學點什麼讓自己變優秀,於是的起心肝跟她一起到法國文化協會學習法文。學著學著,便喜歡了法國文化,更希望能抓住二字頭的尾巴,來一趟工作假期。為了確定自己真的喜歡法國的文化生活,我決定自己一個衝出亞洲,來一趟歐洲背包之旅。

就是這樣,2013年的9月尾,我一個人背著背包,去了法國,德國及荷蘭。路途上認識了不同國籍的朋友,其中在德國體驗了慕尼黑啤酒節,穿著Dirndl瘋狂的喝了三天三夜,而射巴就是在那個時候認識的。老實說,雲妮莎的情史非常慘烈,四位前男友全是香港人,劈腿率達100%,所以單身好幾年的我並沒有想那麼多,當時射巴只算是一個萍水相逢的人罷了。

經過兩天的相處後,發現射巴人很單純又細心,雖然間中都會有直男癌的時候,但come on! 好男人就像恐龍一樣,遇到就要捉緊。於是乎在大家各自回國後,我們經歷了大半年的遠距離,然後就決定遠嫁瑞士。其實這個决定真的很大膽,因為當時的我並沒有想過要從此放棄當dancer的夢想,加上人生路不熟,萬一這個男人跟遠距離的時候不一樣,那怎麼辦?可是我覺得,不賭一次怎麼知道?一賭就六年了!

其實我們之間有很多奇怪的巧合。比如說,電話密碼四個數目字有三個是一樣的,不一樣的那個數字也就只是8和9的分別而已; 他姐跟我是同年同月差一天生; 他是天秤,他家的人都射手,我是射手,我家的人都天秤。。最最奇怪/詭異的巧合是。。在德國踫上一個會講法語的瑞士男生/香港女生吧?!

所以說,有時候不要想太多,聽著自己的直覺走可能會有意想不到的驚喜喔!

#香港人在瑞士 #雲妮莎瑞士日常 #瑞士 #hkig #hkblogger#vanlisahomeswisshome