放手不等於放棄

在瑞士居住五年半,我花了大部份時間適應生活並考取執業資格。一直以來我都根本沒有想過,亦不敢想人在異鄉可以有選擇。生活丟甚麼課題給我,我便乖乖接招。當初之所以選擇研究路,其實是因為教授們一直向我招手。缺乏自信如我心想,有人要當然就要把握機會。於是一而再再而三地將自己推入一個惡性循環。又剛好今年瑞士疫情嚴重,有九成時間我都在家工作。慢慢地,我發現自己情緒出現問題。

我想,若然研究工作並不是我的興趣,那苦讀四年只為名字後面多加PhD這幾個字母,值得嗎?四年青春,人都快四十,怎麼辦?難道黃金三十真的要這樣白白浪費嗎?在香港,我曾經每天都期待著上班,做著自己熱愛的事情,為甚麼來到瑞士以後便再也找不到這種感覺呢?人生苦短,做自己不喜歡的事情一秒都嫌多。於是,我作了一個一點也不艱難的決定,那就是辭職加退修。我跟指導教授請辭的時候,我說It’s now or never,這一份約續下去,便要撐完四年,所以我一定要做決定。教授對此非常自責,她認為自己沒有給予足夠的支授,所以我才會burn-out。其實是瑞士把我burn-out了吧。詳細也不便多作解釋,免得無病呻吟。

有朋友知悉後說我就這樣放棄很可惜。如果因為可惜這兩個字而持續做一樣自己不喜歡的事,那不叫堅持,那叫執著。懂得放開不適合自己的事情,大概是身為中女最應該學懂的生存技能。

接下來,慢慢計劃,多作點不一樣的嘗試。當然心理學家的專業亦會繼續於不同的領域實踐,跳出舒適圈,不為任何人屈就自己想要過的人生。

露營車初體驗

過去一個月經歷完死線衝刺式論文企劃案寫到天昏地暗六親不認之後,終於!我們可以放大假出遊了!由於疫情關係,原訂回港計劃一次又一次被改期,報了深山冥想營又被取消。於是我們便自己租了一台露營車,實行一星期露營初體驗!瑞士的風景美不勝收,當然是露營愛好者的首選國度,但有一點要留意,在瑞士郊外築營必需要在官方指定營區,但據瑞士朋友所說,帳幕只需要離開地面便可。另外亦要留意天氣狀況,當遇上乾燥警告的時候,野外生火是不允許的。

這一次我們停泊的營區在Brienz,停泊營車及入場人數以日數收費。費用程度視乎停泊位置,像我們這一次的湖邊位置則是最貴的地段。一星期七晚總共四百多瑞郎。沒有營車亦可以租住營地小屋,豐儉由人。營地的洗漱設備比我家還要漂亮乾淨,從來沒有要排隊上廁所或是髒髒的情況。只要圍著營地走一圈,觀察一下大家的營地裝飾,你大概可以完全體會到瑞士人的潔癖。小蠟燭,吊燈,地毯等等,全都擺放得井井有條,時不時還會看到他們在打掃門前的樹葉。我跟射巴簡直是無地自容。。。

營地步行往市中心只需要15分鐘路程,非常方便。往其他景點譬如Rothorn,Ballenberg,Interlaken等都非常方便。

Ballenberg 巴倫貝格生態博物館

於1978年開放的Ballenberg巴倫貝格生態博物館以開放步行形式,以過百間不同風格的農村房屋展示瑞士不同省份的傳統農村工藝。這裡目前為瑞士的重要的生態及文化研究基地。博物館佔地廣闊,快速走完全程都需要用上一整天時間,有小朋友同行的話便需要多預計時間。成人入場費為28瑞郎,6-16歲小童半價。園入售賣食物及飲品的地方不多,建議先自行帶備適量食物及水。

Rothorn Bahn 洛特峰鐵道

擁有接近130年歷史的Rothorn Bahn洛特峰鐵道,以蒸氣火車帶大家轟隆轟隆慢慢登上山頂。火車全程一小時,沿途景色絕美,登上2350海拔的山頂後更能遠眺少女峰,艾格峰,鐵力士峰等著名山峰。2020年火車於11/6-25/10期間開放,逢星期三10:00有香腸火車,愛吃的你不容錯過!建議先於網上購票並於半小時前到達,坐位選擇方面建議靠近上車的那一邊,會欣賞到最多的風景。票價方面,頭班車8:36分開出,價錢比其他班次便宜20瑞郎,而且早一點上到山頂,欣賞到萬里無雲的景色的機會愈高。如圖所見,10:00過後山上開始有雲霧,此乃基於一個星期於山下露營觀察得來的結論。正價成人來回92瑞郎,Swiss pass持有者半價,生日免費!如閣下喜歡行山,亦可以約5小時左右步行至山頂。

瑞士大學生的二三事

📌分組功課類

你以為讀Master就無free rider?錯哂!瑞士嘅公立大學讀Master學費平(580瑞郎/sem)又無特別收生要求(某些特定學科除外),有Bachelor學位就可以讀上去。由於得來太易,free rider特別多。有一次我地三人一組寫一份約二十頁報告。其中一位小姐以自己寫法文唔叻為由,失蹤左成個sem,到要交報告嗰日我whatsapp爆佢,問佢打算點。當時我講左一句you don’t give a shit,呢位小姐竟然可以惡人先告狀寫email同教授投訴,話我出言恐嚇。最後教授當然係怕怕扮無收到任何人嘅email,而嗰份功課拎A。🙄

📌畢業論文類

曾經有兩位學生分別前後腳畢業,早一個sem嗰位係高材生,論文滿分,仲被上載至大學網站供人查閱。誰知道下一個sem畢業嗰位學生抄襲左呢位師姐嘅論文又無被發現。最好笑係佢地兩個嘅supervisors係一樣。同埋大學最忌抄襲,有專門嘅防抄襲軟件,一scan就無所盾形。呢位師姐心有不甘向反抄襲部門投訴,結果一樣,無回覆。🤡

📌筆試類

有一次考統計學,由於需要用到統計學軟件,所以答題會用自己電腦。於是有一班同學自製whatsapp group喺電腦分享成段電腦指令,抄答案,容易啦!不過當時我心諗,遇著堆syntax係錯嘅咁咪攬炒?我都係信自己多啲。。。

瑞士考試係可以自攜飲品同食物,只要你唔係帶成個煲仔飯入去,普通小食如朱古力,餅乾,水果都可以。一般黎講,考生一進場需要立即將所有電子儀器收好並將袋放喺主考席,考生唔可以帶筆袋,但可以帶帽。🤡派卷期間,考生不得翻閱試卷是常識吧?講就咁講,但佢地會一收到就開卷自己喺度做然後無人出聲制止。成個場四百幾人,唔知最尾收到卷嗰條友作答時間蝕幾多呢。。。

最嚴重嘅問題在於廁所位。。。如果考試歷時四小時,除頭一小時同最尾10分鐘唔可以去廁所外,中間嘅時間都係無限任去。寫就話每次限一人,但監考嘅都係打份工嘅博士生,為左唔洗行好多轉,佢地會儲埋兩三個學生一齊帶。監考員理論上應該喺廁格外等候,但都係嗰句,打份工, who cares? 再者考生有無收埋紙,手機等等物品真係無得查。考生去廁所嗰條隊喺整整三個小時嘅考試入面無斷過。呢個情景媲美去clubbing排隊入場條隊。

有啲人早做完卷會早走,佢地唔知點解硬係要同佢地啲好朋友打眼色送飛吻先肯走,好想一巴星埋去,再一野車佢個袋埋去叫佢滾出去。

收卷嘅時候時常會發生一個情況,就係總有人死都唔肯停筆。你埋去收卷,佢死都要寫,你仁慈俾多5秒佢,佢仲寫緊。佢同我講,你俾我寫埋佢啦,我最尾嗰段總結寫左喺草稿紙,未抄番落卷啊!!!我話,not my problem,然後一手搶走佢份卷。佢後面位朋友更好笑,佢話,我未寫名啊!我又話,not my problem either。收完卷,呢兩個人走去我旁邊另一位整理緊試卷嘅同事度,苦苦哀求要寫番指示話答案喺草稿紙。呢位同事咁啱就係改佢卷嗰位助教,佢怕佢煩,又可憐佢壓力大,所以搵番佢份卷出黎俾佢改。OK,我做左天底下最PK嘅監考員。

呢堆行為喺香港嘅大學應該早就俾人零分重作。廿幾歲人考試連時間管理都唔識,憑咩要特權?我真係唔明。Anyways,到最後我調整自己心態,打份工,who cares?

有人留言估性感衣著,我可以話你知,好多野睇。😏

又不過!!!我都有認識好多讀書好認真嘅學霸!只係有一堆唔認真對待考試嘅人恃住無王管而肆無忌憚。

#雲妮莎瑞士日常#瑞士

學多個法文傍身,俾人鬧都唔會激親

話說射巴嘅性格算係綿羊文靜類,佢有住我地平時幻想歐洲人果種口甜舌滑嘅浪漫。至於雲妮莎嘛,屬鐵一般嘅硬朗型港女,口硬心軟,對浪漫過敏。(所以先無港男要嘛😂)

話說今晚射巴突然間同我講Tu es ma gonzesse (You are my 八婆). 我當堂打左個大突!因為Gonzesse呢個字意指女人,但係用黎鬧人用嘅,有八婆嘅意味。於是我回佢Ah bon ?😂 佢即刻慌忙解釋其實佢係想講 Tu es ma princesse (You are my princess),係公主唔係八婆!只係一時口快講錯左啫!

Well,口誤呢D野其實就最反映內心嘅真實感受。呢排疫情日日都home office,我都明佢心底裡暗暗鬧我係gonzesse嘅。只不過我亦唔係呢間屋嘅princesse,je suis la reine (I’m the queen). 

講完有少少唔好意思,純粹節目效果教多個字咁解啫! 😆

Photo credits: Ling Lai

#雲妮莎瑞士日常 #瑞士生活 #瑞士 #法文

瑞士疫情近況

很久沒有交代一下瑞士情況,來做一個小更新。目前瑞士確診總數為26810人,總死亡人數1318人,康復人數15900人。每天更新個案以三位數字增長,對比之前幾個星期可算是放緩了。

昨天瑞士聯邦政府宣布於四月二十七號先開放單人服務行業(例如:美容業,髮型屋),於五月十一日,小學會率先復課。

其中小學得以復課的原因更是令人費解。。。政府表示,小孩受感染的機會非常低。此話一出,引來大批家長批評,說政府為了讓家長去上班,才會硬要推小學生去復課。今天這一位官員又補充了一下,說小孩不是不會受感染,而且家長們還是要提高警覺,不要讓小孩跟家裡面的長者有太親密的接觸。所以大家就說,小孩可以去上學,卻要在家裡小心,這是什麼邏輯?

至於口罩這一方面,雲妮莎去買菜的時候遇到大概30%的人有配戴口罩,可見大家的警覺性也明顯高了不少。可是昨天在電視上一名記者訪問一位醫生有關配戴口罩的必要性的問題時,這一位一醫生卻說口罩並不是必需。他說配戴口罩需要有相關知識和步驟,如果普通人隨便戴,可能會有反效果。記者隨即問他說,那目前有什麼其他的措施去應付這個狀況?醫生說,我們會做更多的快速測試。

天啊!這什麼邏輯?因為戴口罩要學,所以就乾脆所有人都不要戴好了。那請問戴避孕套難還是戴口罩難?(不好意思,可能西人都習慣吃避孕藥),都學好怎麼用不就好了嗎?唉,這邊的資訊每天都在變,今天說A,明天又說B。官員們和世衛的那一位每次都今日的我打倒昨天的我。看來這一次歐洲還要多耗一陣子了。。。

㊙️題外話:雲妮莎在網上買到了合規格的口罩,盛惠四百港元一盒(25個)😂這是苦笑。發災難財的,我祝你身體健康,百毒不侵🙃

#雲妮莎瑞士日常 #瑞士 #香港人在瑞士 #瑞士生活